Saturday, 9 June 2018

വീണ്ടും മഴ

മറവിയുടെ കൊടുങ്കാട്ടിലേക്ക്                        വലിച്ചെറിഞ്ഞ ഭൂതകാലത്തെ                             ചികഞ്ഞെടുത്ത് കടിച്ചു പിടിച്ച്                           എന്റെ മുറ്റത്ത് കൊണ്ടിട്ടു           കുരയ്ക്കുന്നു മഴയെന്ന                                       വികൃതിപ്പട്ടി
അഭയാർത്ഥി ക്യാമ്പിനു മുകളിലെ
ആകാശത്ത് തെളിയുന്ന വിമാനം പോലെയാണ് നിന്റെ പ്രണയം. പൊട്ടിത്തെറിച്ചില്ലാതാവുമൊ,
പട്ടിണി മാറുമൊ എന്നറിയാതെ
 പ്രതീക്ഷയോടെ കൈകൾ നീട്ടി നിൽക്കുന്ന കുഞ്ഞിനെപ്പോലെയാണ് എന്റെ ഹൃദയം.

Wednesday, 7 January 2015

നോട്ടിൽ തറയ്ക്കപ്പെട്ടവൻ












എത്ര കോടി ഹിംസകളുടെ 
ഇരുമ്പാണികളാലാണ്  ഗാന്ധിയെ 
നാം ദിനം നോട്ടിൽ തറയ്ക്കുന്നത് 

പുഴ









മണൽ ലോറിയിൽ ചിറകൊതുക്കി,
തല താഴ്ത്തിയിരിക്കുന്നു  പുഴ

Tuesday, 6 January 2015






മഴ വരച്ച വീടിന്റെ ജാലക-
പ്പടിയിൽ പ്രണയാർദ്രരായ
രണ്ടു മിഴിപ്പക്ഷികൾ